ZeHabesha Ethiopian News | Latest News for All | 24/7

Zehabesha – Lisane Kin: Madingo Afewrok & Fikreaddis Nekatibeb


Zehabesha – Lisane Kin: Madingo Afewrok & Fikreaddis Nekatibeb

Read Aloud:   Dozens support appeal of Israeli who killed alleged rapist

1 Comment

  1. === መጀመሪያ ይቅርታ፤ሕዝብን፣ለምን?ይቅርታ ፈንጂ ነው ። ===
    ያኔ ለዜናዊ እምባ እያወረዱ፤
    በሕዝብ የደም ዕምባ ትናንት የቀለዱ፤
    ዛሬም ባደባባይ በሚገደሉት ደም፤
    ሕዝብን አጭበርብረው ጭፈራ ለመድገም፤
    ሲያምታቱ ታወቀ ጉጅሌ እንደሆኑ፤
    ፍርድ አለ ይጠብቁ እስከሚደርስ ቀኑ።
    እንደው ለነገሩ ሕዝብ እንዲምራቸው፤
    ለባለፈው ወንጀል:-
    የትአለ ይቅርታቸው???…
    ግለሰቦች ክደው ሕዝብን ሲበድሉ፤
    አምባገነኖቹ ዕድሜ ያገኛሉ።
    እንደ ኢትዮጵያ ላሉ ምንም ላልታጠቁ፤
    በጉልበት በብረት ዛሬም ለሚጠቁ፤
    በተለይ በዚህ ወቅት የሰላም እጃቸው፤
    የአጋዚ ጥይት ገድሎ ለሚፈጃቸው፤
    መድኃኒት ነው ፈንጂ ሕዝብን የበደሉ፤
    አደባባይ ውጥተው
    “በድለናል” ካሉ።
    እናም እንደማዲንጎ በሕዝብ የተረታ፤
    ይውጣና አሁኑኑ:-
    ፈንጂ ይስጥ በይቅርታ።
    የመጨረሻ ቀላል፣በደልን መፋቂያ፤
    በደም-ዕዳ ምትክ፣ፍቅርን ማፍለቂያ።
    ከልብ እንደመነጨ የሚቆጣጠረው፤
    አምላክ ነው ይቅርታን ሁሌም የሚቆጥረው።
    የኢትዮጵያ ሕዝብ ሆይ ይህን ጥሪ ስማ፤
    በልቦናህ ጻፈው ማን እንደሚያቅማማ።
    ልጆችህ ሲደፉ በዓጋዚ ስትደማ፤
    በየስርቻው ሞልቷል ቢጠራ ‘ማይሰማ።
    እሰዬን አስተውል፣እነገብሩ አሥራትን፤
    ያን ታምራት ላይኔ ያስገነጠላትን።
    በየመድረኩ ላይ ዛሬም የሚዋሹ፤
    በዜና አንባቢነት ህሊና ያቆሸሹ።
    ሞልተዋል ድርቅ የለም ለምተናል የሚሉ፤
    ጉጅሌ ለበላው ጅለው የተጃጃሉ።
    እነዚህን ሁሉ ሐቁ እንዲፈጃቸው፤
    የእነ መሓሙድ ይቅርታ ወጥቶ ያፈንዳቸው።
    እናም ሕዝቡን ስሙት አድምጡት ላንድአፍታ፤
    እንደልጅ ማዲንጎ ጠይቁ ይቅርታ።
    እንደው ስንቴ ከዱን ከመካከላችን፤
    መንግሥትን ወግነው አሾፉ በሕዝባችን።
    በኪነት-በስፖርቱ በፖለቲካ-ስልጣን፤
    በምርጫ በትግል ስንቱን ጀግና አጣን።
    ይህን የሕዝብ በደል ማዲንጎ አሸንፎ፤
    አስደሰተው ሕዝቡን በይቅርታው አቅፎ።
    ሕዝቡ ትዕግስት አለው ሳይነጋ ይጠብቃል፤
    እነማን በዳዮች እንደሆኑም ያውቃል።
    እናም የበደላችሁ ያኔ ተለጥፋችሁ፤
    ዛሬውኑ ይቅርታ ጠይቁ ፈጥናችሁ።
    ባንዳውን ሳይጨምር፣ስንቱ ስው ተረታ???…
    በሆዱ በሥልጣን ለገንዘብ ተፈታ።
    ልደቱ የተባለው በቁም-ሲታይ ሞቱ፤
    መሐሙድም ርካሽ ሲሆን አየን ገልቱ።
    ያቺ አስቴር አወቀም ባለድምጻዊቷ ፤
    ኢትዮጵያን ነው የከዳች ለስንዝር ዕርስቷ።
    ንዋይ ደበበስ ቢሆን ዘምሮ ለኢትዮጵያ፤
    ወዶ ገባ ሆነ ከጉጅሌ ጉያ።
    ሰለሞን ተካልኝ ና ሲባል ብላልኝ ፤
    እንደጅብ ይጮሃል እሱስ ይጠንባልኝ።
    እነ ኃይሉ ሻወል ስንቱ ይቆጠራል፤
    ወዲያው ካያለበት እንደነጋ ይጠራል።
    እናም እንደማዲንጎ በሕዝብ የተረታ፤
    ይውጣና አሁኑኑ:-
    ፈንጂ ይስጥ በይቅርታ።
    ኃይሌስ ቢሆን ስንቴ አውቆ ተታለለ፤
    ጀግና እንዳልተባለ በወቸገል-ሥም ማለ።
    ፈንጂ ነው ዕውነታ ሐቅ ነው መናገር፤
    ጉጅሌ ኢትዮጵያን ከፋፍሏታል በዘር።
    ይኼን አትመስክሩ፤
    የኢትዮጵያ ሕዝብ አውቋል፤
    ግና ይቅርታችሁን ዓመታት ጠብቋል።
    እናም ሕዝቡን ስሙት አድምጡት ላንድአፍታ፤
    ታሪክ ሳይጠራችሁ የማታ የማታ፤
    ዛሬ ቁረጡና ቆማችሁ በዕውነታ፤
    እንደልጅ ማዲንጎ ጠይቁ ይቅርታ።

Leave a Reply

Your email address will not be published.