Ethiopian News | ZeHabesha | Latest News Provider

Mahamoud Ahmed Rocks Minneapolis, Minnesota (video)

1

mahamud

1 Comment

  1. …ባንዳ ላይ ይትፉና !!!…ባንዳ ላይ ይትፉና !!!…ባንዳ ላይ ይትፉና !!!
    “…ምን፡እንባ፡ነበረሽ፡ከራሔል፡ያነሰ፤
    እንባ፡አይመስልም፡እንባ፡ጊዜው፡ካልደረሰ።
    መራራው፡ሐዘንሽ፡እንባ፡እያፈሰሰ፥
    የልጆችሽ፡ርስት፡እንዴት፡ተወረሰ።…” የቀኝ፡ጌታ፡ዮፍታሔ፡ንጉሤ(ባ፲፱፻፴-፴፩፡ዓ.ም.፡የተዘመረ)
    እናም ያለፈ አልፏል ይቅር ትናንትና፤
    እስኪ ዛሬ ያሳዩን
    ባንዳ ላይ ይትፉና።
    የምን ጠጋ ጠጋ ? ? ?…የምን ልጥፍ ልጥፍ፤
    የምን መተሻሸት…፣የምን ውትፍ ውትፍ።
    እኮ ለምን ጥፍት፤አረሳስቶ ምጥት፤
    የምን ብቅ ጥልቅ፤የምን ግብት ውጥት።
    የምን መልመጥመጥ ነው፤የምን ደፋ ቀና? ? ?…
    የሚፈሰው ደሙ መቼ ደረቀና።
    ድንጋይ ያቀበሉ ስንሞት ትናንትና፤
    እንዴት ተመለሱ…እየሞትን ገና…???
    ሕዝቡን በአደባባይ መቼ ጠየቁና፤
    እንዴት ወደ መድረክ መጡ እንደገና ? ? ?
    ሆኖም በትዕግስቱ ይታወቃል ሕዝቡ፤
    ይቅርታ ለማለት ብዙ ነው ሰበቡ።
    እናም ያለፈ አልፏል ይቅር ትናንትና፤
    እስኪ ዛሬ ያሳዩን ባንዳ ላይ ይትፉና።
    በመድረክ ላይ ወጥተው መዝፈን ሳይጀምሩ፤
    ይቅርታቸው ይቅደም ባንዳ እንደነበሩ።
    አለበለዚያ ግን ይወጣል ሚሥጥሩ፤
    በባንዳነታቸው ማን ምን እንደሰሩ።
    ታሪክ ይናገራል ዛሬ ካልተናገሩ፤
    ጥላቻም አይደለም ሞልቷል ምሥክሩ።
    እኮ ምን ተገኝቶ አጨብጫቢዎቹ
    በዚህ በዚያ ገብተው እዚህ ተከማቹ???
    የምን ጠጋ ጠጋ ? ? ?…የምን ልጥፍ ልጥፍ፤
    የምን መተሻሸት…፣የምን ውትፍ ውትፍ።
    እኮ ለምን ጥፍት፤አረሳስቶ ምጥት፤
    የምን ብቅ ጥልቅ፤የምን ግብት ውጥት።
    የምን መልመጥመጥ ነው፤የምን ደፋ ቀና? ? ?…
    የሚፈሰው ደሙ መቼ ደረቀና።
    ይቅርታን ነፍገው ሕዝብን እንደናቁ፤
    እንዴት ባደባባይ ለመታየት በቁ?????
    ቀረ’ኮ ይሉኝታ ቀረ’ኮ መደበቅ፤
    በጉጅሌ ጉያ ሕዝብ ላይ መሳለቅ።
    መሓሙድም ሆነ እነአስቴር አወቀ፤
    ሕሊናቸው ትናንት የተጨማለቀ፤
    ምን ምን እንዳደረጉ ሕዝቡ እያወቀ፤
    እንዴት ባንዲት ጀንበር ግፋቸው ተፋቀ???
    ይሁን እሺ አልፏል ይቅር ትናንትና፤
    እስኪ ዛሬ ያሳዩን ባንዳ ላይ ይትፉና።
    በመድረክ ላይ ወጥተው መዝፈን ሳይጀምሩ፤
    ይቅርታቸው ይቅደም ባንዳ እንደነበሩ።
    ዛሬም እነሱን አይተው የሚጨማለቁ፤
    የሕዝብ እንዲሆኑ እውነቱን እንዲያውቁ፤
    ድንጋይ ያቀበሉ ስንሞት ትናንትና፤
    እስኪ ዛሬ ያሳዩን፣
    ባንዳ ላይ ይትፉና …!!!
    ለእነመሐሙድ አህመድ እና የኪነ-ጥበብ ባለሙያዎች።(፳፻፩ እ.ኤ.አ ዓመተ-ምህረት ተጻፈ)

Leave a Reply

Your email address will not be published.

This site uses Akismet to reduce spam. Learn how your comment data is processed.